يــالايـمـــــــــــــي

[الدندون]

<font size=5 color=green>
يالايمي في الشوق جاوب سؤالي
ليه الخفوقِ يزيد نبضي مذلــّــه؟

ليه الهوى قاسي يفوق بخيالي
ظلم الحبيب اشلون يقفي بخلــّـه؟

محتار من خلــّـي قطع في وصالي
باخل على عيني ولو فيه طلـــّـه

لي من علوم الزين شهر وليالي
مشغول في فكري وبالي انشغلــّـه

وش كثر مادقيت بابه جفى لي
ما ردّ حتى نظرةٍ من محلــّـه

مقــْــدرْ على فرقاه هو راس مالي
لو أخسر الدنيا واطالع مهلـــّـه

ليته درى بالنار تحرق مقالي
كل ما بدى طيفه لهيبي فتلْ لــه

ليته ذكـــرْني وافتكرني بحالي
ليته نظر في وسط قلبي وشــلــّــه

[الدندون]

<font size=5 color=green>
يوم الخميس شربت من كاس خالي
يومٍ شِرقت بصورته في مجلـــّه

يتمايل بســفحٍ هنوفٍ وعالي
كِــنــّه غزالٍ بين سهلٍ وتــلــّــه

إيده على خدّه وشعره مســالِ
والريف من حسنه تنـــدّى وبــلــّه

يازين طبعه لاطرى له بدالي
ون جيت يمـّه عافني فيه دلــّـه

[شاكر]

<FONT SIZE=5 COLOR="#662266">
هيـضــت جرحي والحشـا فيه صـالي
يومك ذكـرت اللي جفـا من محــلـّه

من غير تـوديـعٍ يشــد الرحــالِي
أو ودعك مع باقي الناس جُمــله؟

ولا جفـا ينـسى؟ وله قـلب خالي؟
مايعـرف الشـوق لحـناياه طـلـّه؟

أنا بعـد ما ريـّحــتـني الليــالي
يومن غشـت خـيل السـواد المظـلّه

غابت عن عيوني وحسـيت حـالي
مثل اليـتيم ودمعـته مســتهلّه

لولا الحـيا إنـّي لانادي تعـــالي
حبـل الجفا بيديك ربطه وحــلـّه

والحـب لامـن صـار صادق حـلالي
مادام لا جـيتي ولاجـيت زلـّه

-------------------
بس ودي أعرف ليه قسمت القصيده في مشاركتين؟؟;)

[الدندون]

<font size=5 color=green>
شاكر مشيت اجرد برمضا وفالي
ألقى حبيبي وارتع منه ظلــّــه

ذابت كعوبي وراسي بات قالي
ضربت شموسٍ في قفورٍ وضــلــّـه

لامن حبيبك تحتري فيه غالي
يجرح ويجهل ماضوى فيك علــّه

ماغاب عن عيني ولاهو حيالي
ساكن بقلبي ناظره فيه كلــّه

ليه الحيا ليه يازين الرجالِ
ماجاك من حبل الموده تملــّـه!!

أقضب عليها وهي أوّل وتالي
وره وفلــّه على مرشاف سلــّــه

لاتضيع الأزهار من يمّ المغالي
يستاهل الموت من يرمي بفلــّـه

التابع كان للتتابع
يعني القادم يوم الجمعة
لووووووووووووووول

[مخلص النوايا]

.


يا مكسبي في العرف يا رأس مالي
ذكرتني حبٍ طوينا سجلّه

على حبيبٍ فرقته الليالي
عامين أهوجس في السماء والأهلّة

أسائل ارياح الصبا والعوالي
وانشد مداهيل المهى عن محلّه

الرّجل تاهت في عسير المنالي
والعين مرساها النجوم المطلّة

روحٍ شقاها الصبر في أوّل وتالي
حتى الصبر لا غاب مقدر أدلّه



.

[الدندون]

<font size=5 color=green>
لاجاك من مخلص نوايا يلالي
مثل القمر لا نوّر بمستهلــّــه

ترقى حروفه مثل برق الليالي
تشتاق طول الليل في السعد جُـلــّــه

ذكــّــرتكِ الأيام ذيك الخوالي
بسنين عمرٍ ضاعتِ بمردهلــّــه

ضاع الصبر والــْــتاع بعده نوالي
وضمور دهري من تعزّى حصل له

أدري حبيبك ذاك الاول مثالِ
للزين لكن من هجر منك خلــّــه