رسوم الشريحة
المشرف: مجدي
رسوم الشريحة
كانت تجيني تشتكي قلـة المـال
وتصيح لاجا طاري الفقر صيحـه
تقول ابويه دايـم الـدوم iiرحـال
وامي كبيره سن دايـم طريحـه
وانت الوحيد اللي لك القب ميـال
دايم يصارحني وانا له صريحـه
طفله وانا معشوقها بين الاطفـال
جريح حب وطاح له في جريحه
كنا سوى نرسم على التربه آمـال
وأحلام تقتلها الحيـاه الشحيحـه
كم دمعةٍ كانت على الخد تنهـال
اذا نزلت ضاقت عليّ الفسيحـه
الله كم صرخه وهمسـه امـوال
الله كم جـادت علينـا القريحـه
الله كـم بيـتٍ كتبنـاه يخـتـال
واقول انا (عبدالله) وانتي( مليحه)
نخيل لومافالسمـا بـرق وخيـال
وانكذب الايام لوهـي صحيحـه
تقول لاحطيت لك بشت وعقـال
وسخّرلك الرحمن عيشه مريحـه
اخاف تتركني على عثـرة الفـال
للفقر ووجيـه الحيـاه القبيحـه
وحبيتها بيـن الخلايـق والازوال
حبٍ يطول الوقت محـدٍ يزيحـه
وسلمتها قلـبٍ تباريـه الاهـوال
وطاح الخفوق وطيحة القب طيحه
راحت وخلتني مع القيل والقـال
شاعر صواريف الدهر iiتستبيحـه
ودار الزمان وغير الحال بالحال
وجاها الزمان بكل ورده وشيحـه
فلة .. وخدامه.. ولكزس. وجوال
وانا عجزت ادفع رسوم الشريحه
.....................
عذرا الى النادي العريق ابثه زفرات وجد قد ثوى بفؤادي
ياويح قلب وزعت أشواقه بين الحبيب وبين هذا النادي
مجدي خاشقجي
العودة إلى “المقالات والشعر العامِّي”
الموجودون الآن
المستخدمون الذين يتصفحون المنتدى الآن: لا يوجد أعضاء مسجلين متصلين و 26 زائراً