أبيك إنتي ..!!

وريث الرمل · مشاركةبواسطة **وريث الرمل** » 09-18-2001 02:58 PM

br> <html><DIV id=cdiv style="BACKGROUND-COLOR: Black"> <Center> <bgsound src="http://alwan.virtualave.net/music/madi/arabic/AAAyamsafarwenassiehawak.mid" loop="-10"><br

أبيك ألحين

أبي

صوتك يجيني صبح

أبيك إنتي

بدال الجرح

أسولفلك

عن اللي قبل ما أشوفك

يحبونك

عن اللي بعد ماشفتك

يخافونك

أبيك إنتي

نهاية لو تكون الجرحْ

يا بنت الحرفْ

يا شمعة ليل ما تطفي

خذي من دفتري حرفي

أبيك انتي

خذي من ليلتي عطفي

خذي قلبي

سبب غلبي

خذيني.. روح

طفل مجروحْ

قعد مرَّة بجنب البابْ

وحوله .. شلة الأصحابْ

وقالوله .. متى نكبرْ

.وكبرو كلهم حوله ..

وهو وحده بدا يصغرْ

بدا يذكر .. ولا يذكرْ ..!!!

أبيك انتي

تجيني ..من ورا سور المدينة ريفْ

تجيني .. لو سحابة صيفْ

تبللني

تطهِّرني

تهدِّيني

تنام الليل في عيني

ترجِّع أول سنيني

طفل ولهان

زرع في طاقته

وردة .. وخلا قلبه البستانْ

أبيك انتي

محد غيركْ

وابي شعري

تعابيرك

وأبي

دربي

مشاويرك

أبيكِ انتي

محد ثاني

محد يقدر .. يطلعني ..على سور القمر وينامْ

محد يقدر يجادلني .. بغدر الوقت والأيام

أبيكْ انتي ..

بلون الشوق

بطعم العشق في كاسي

نسيت بشوفتك ناسي

وجلا سي

وجيتك بردْ

يدفيني به احساسي

ياصوت الحب يا (همسه)

متى بنسى؟

متى بقسى

إذا إنتي .. تبين البعدْ

بموت .. ولا يجيلك برد

أحس انك مطر ما يكفْ

وأحس اني بقايا حرف

كتبتك فأول أوراقي ..

من أشواقي

وودعتك مع عناقي

متى بنساك يا (إنتي )

ترى مدري

أنا عمري

دقيقة .. وإنتي فبالي

وساعة ..

وانتي أشعاري وموَّالي

ودرب أمشيه ..

ما أسألْ .!!

متى بوصلْ

رضيت بحزني الأول

وخوفي حزني التالي

مــيــــلاد · مشاركةبواسطة **مــيــــلاد** » 09-21-2001 11:12 PM

أبيك الحين

خذيني بــس .....

وضميني

خذيني بــس

وهديني

وفوق الليل

وارميني

قمر يقرا سنين الصمت

قمر يركب طريق الشمس

قمر يشرب دواو يني

يا انتي ...

ابيك أنتي ..

أبي بردك يدفيني

أبي حزنك ...

أبي فرحك ..يناد يني

و يرو يني

هاتي الدمع

ومنديلك

هاتي الفجر

وقنديلك

جروح الو يل

ماترحـــم

جروح الـو يل

تظميني

أبيك الحين

تعــاااالي الحين

تعاااالي حيــــــــــل

ضمينـــي

أنا..مشتــــاق

أنا...ندمــــااان

أنا هارب من ذنوبي

أبيك آخــر مسافاتي

أبسمع منك أي همســة

تقول الهجر تـو ماحـااان !!!

أنا المخطي ..

وأنا الهارب

وأنا الولهان

أبيك انتي

وماأبي من البشر غيرك

ولا يسكنك مع هالليل

غيري في وسط عينــك

وأبيك أنتي

د//نون · مشاركةبواسطة **د//نون** » 09-22-2001 05:25 AM

و ابيكِ انتي
حياة القلبْ
و ابيكِ انتي
رفيق الدّربْ
أبيكِ انتي
ملهمَ اشعاري
و طِيفَ الفَرْحِ في داري
وِ اذا فَتّشتِ في شعري
مَ حَدْ غيرِك ترى يدري
دواويني..لكِ مرايه
و أشعاري لها حكايه
حكايتها ترى إنتي
و ابيكِ انتي
و ابيكِ انتي

تحيّه للشاعر المُبدع..الأخ الكريم وريث الرمل
و الشاعرة المُنتظرة –بفارغ الصبر- الأخت العزيزة ميـلاد :)

زهرور · مشاركةبواسطة **زهرور** » 09-22-2001 09:28 AM

أبيك إنتي
برغم أساي
ولوعة
من رموش الحزن
غفَّت فوق غنوتي..
والناي

رحلتِ
وكل ذرة رمل
بعدك..
أنكرت خطوك
وقِدْرَتْ
تستبيح خطاي
بنورك..أظلمت دنياي

سرقتِ البدر
من كوني
دفنتِ
الحسرة في جفوني
وكم أحسنت بك ظني
وكم خابت
بك ظنوني

وما زلتِ..
الوعد..إنتِ
وبوح الشوق
فوق البدر..
وظل الشمس
أنادي من حدود الأمس
وتِشْرَق
عتمتي بالهمس
يا عمري
وصمت مناي
أبيك إنتي
أبيك إنتي
بنورك أظلمت دنياي

الدندون · مشاركةبواسطة **الدندون** » 09-22-2001 02:53 PM

أبيك انتي
ولو كانت بها الدنيا
ألوف من الهوى
ترجي ربوعي
ياهوى عمري

أبد ماهْوى
أبد غيرك
ومهما صار ياحلمي
أبكثر في القدر صبري

علجت السم في غلوه
نشف ريقي ودمي
وانكسر قلبي
وصارت حالتي رثوه
ولا صاحب ولا مغلول
رثيوني من القسوه
أنا ميت تعالي وانبشي قبري

وريث الرمل · مشاركةبواسطة **وريث الرمل** » 09-25-2001 10:40 PM

br> <html><DIV id=cdiv style="BACKGROUND-COLOR: Black"> <Center> <bgsound src="http://alwan.virtualave.net/music/madi/arabic/AAAyamsafarwenassiehawak.mid" loop="-10"><br

أحبتي جميعا ( ميلاد dr2003 الرائع زهرور الذي أسعدني كثيرا بحضوره / الدندون )

التعالق النصي ..دهشة حضوركم الرائع

==================

أبيكْ انتي ..

لونِّك فآخر المشوارْ

لونِّك لي حمامة دارْ

عرفت ( المستحيل ) انتي

وحلم المستحيل انتي

أبيك انتي

ولو كنتي

فراشة .. مستحيل تعيش

حول النارْ

حمامة فوق سور الدارْ

ومن حول البيوت اصغارْ

رموا بحجار وانصبتي ..

أبيك انتي ..!!

***

أبيك انتي مطر جاني

بليا غيمْ

مطر جاني وأنا ( ابراهيم )

يتيم الجرح والأحزان

مطر هتانْ

وأنا في عز نسياني ..بلا نسيانْ

أدوِّر عن بقايا الحلم فعيونك

يناديني

يضويني

عرفت ( المستحيل انتي ) وما فيني

أوقِّف نزف لجروحي

ولا حتى أغير شيء

نسيت ان الأمر ماعاد فاحلامي

ولا في يدي

تواريخي بلا ميعاد

وعمري موت لو إنَّه

غلط مرَّة وجا ميلادْ

عرفت ( المستحيل ) انتي .. ووش يحزن

لاصار المستحيل أقرب من الممكن ..!

لاصار الممكن اللي صار.. مايمكن

يكون المستحيل اللي

بدا ..ممكن ..

***

تواريخي ..

مطر شعري

وآخر صوت في عمري

خذيها واحفظيها صوت

أخاف الموت

وما القى إذا

ذبلت دواويني

من اللي يحتمل حزني ويبكيني ..!!

شوق · مشاركةبواسطة **شوق** » 09-29-2001 11:54 AM

أبيك أنتي00
ولو اخر قصيدي حرف00
ولو اخر ما بقى بخفوقي نزف00
أبيك أنتي00
أبيك الموج 00
ومجدافي00
وأبى اروي 00
ظما قلبي00
من نبعك الصافي00
وأبيك بليل الشتا00
عنواني الدافي00
أبيك أنتي00
أبيك شمس00
وقمر00
ليل00
وسهر00
ولو طالت دروب السفر00
أبيك لقلبي المرسى00
وأبى أنسى00
جميع الناس00
الا أنتي00
أبيك أنتي00
أبيك طيف00
بالدفا والورد يلقاني00
وسحابة صيف00
تغسل ليل أحزاني
وأبي رمشك سيف00
يجرح 00
ويسرح00
ولو مرني00
أفرح وأقول داواني00
أبيك أنتي00
وأبي حبك يغطيني00
يهنيني00
يقول الكون انت00
وينسى الكون بايديني00
أبيك أنتي00
( أبيك اليوم قبل باكر )
تضميني00
وبعيونك أسافر00
وأقول حبنا باقي00
مال لحبنا اخر #

* * * * * * * * * * * * * *

(T)لعيونك وبس 00اول قصيدي واخر حرف
( وأبيك أنتي )

زهرور · مشاركةبواسطة **زهرور** » 09-29-2001 08:54 PM

أخي وريث الرمل

تأبى كلماتك الشجية إلا أن تستدعي من عتمات الماضي شيئا من ذكرى وبقايا أشواق..ولوعة

أبيك انتي
تطوفي بي
على الأكوان
وترميني
على الأحزان
بقايا
في دفاتر عمرك
الماضي
صدى من
كان..ياما كان

أبيك انتي
تموجي
في دمي حسرة
ولوعة
تايهة..مُرَّة
أدور بها
على روحي
واسكِّت صمتي
وبوحي
عساني في حلمك
أو ظنك
ولو مرة
يهون العمر
ياعمري
لاجل نظرة

أبيك إنتي ..!!

محاولة بدائية للرد على هذه الراااائعة

ممكن أجرّب؟!

رائع يارائع

للجميع .. التعالق النصي .. دهشة الكتابة ..!

الموجودون الآن