أبيات خفيفة للفرفشة وبس

ريم الفلا · مشاركةبواسطة **ريم الفلا** » 09-18-2001 02:46 PM

<DIV align=justify><FONT size=4 color=purple face=

(17)

كل الرسايل ننتظرها على (الفكس)
والا على إيميلنا الالكتروني

مهما اختلفنا ما نتفارق على العكس
وان ما اقنعتكم كلمتي جرّبوني

(علي السبعان)

ريم الفلا · مشاركةبواسطة **ريم الفلا** » 09-21-2001 02:23 AM

<DIV align=justify><FONT size=4 color=green face=

(18)

دوم يعيرني يقول جسمك متين
حلجك المفتـوح لازم تغلقـه

هيه يـا دبـه لازم تخفـيـن
والا أثوّر فيك عشرين افشقه

واستمريت في رجيمي سنتيـن
جدي اللي مات بغيت ألحقه

وش رايك!؟ قلتها بصوت حزين
قال: دبه وانقلبتي لي سلقه

(.........)

ريم الفلا · مشاركةبواسطة **ريم الفلا** » 09-27-2001 02:25 AM

<DIV align=justify><FONT face= Tahoma fontsize=6 color=blue face=

(19)

لا ورب البيت والهم وسريري
لا ورب الحزن وأمواس الحلاقة

جيت اجمّـل وجهي البارح لغيري
شفت وجهي .. ماله بوجهي علاقة

(عبدالمجيد الزهراني)

مجدي · مشاركةبواسطة **مجدي** » 09-27-2001 02:36 AM

<DIV align=justify><FONT size=5 color=Purple face=
يمكن ابن الناس شايف توم جيري
يوم قفلت الباب جاني عند طاقه

و يوم هربت اتراه محفور بضميري
وين اروح و قامت بنفسي الخناقه

ريم الفلا · مشاركةبواسطة **ريم الفلا** » 09-27-2001 02:45 AM

<DIV align=justify><FONT face= Tahoma fontsize=6 color=blue face=

(20)

ليه الوجع أو مزاجي ليه متقلب
عزّابي ان ضقت وإن ماضقت عزابي

اكنس وارتّـب وأنا ماني بمرتب
اغسل وانا ناسي الأوراق بثيابي

هنا جرايد، هنا علبه، هنا شبشب
هناك باقي الغدا، وهناك شرابي

مافيه احد دق بابي، ايه، ليش اكذب
بس الفواتير هي بس عارفة بابي

(عبدالمجيد الزهراني)

مجدي · مشاركةبواسطة **مجدي** » 09-27-2001 02:53 AM

<DIV align=justify><FONT size=5 color=Purple face=
عزابي متزوج كله يا اخ متعذب
احمر واصفر وازرق زي عنابي

كل يوم بيتي من الأوراق متكركب
ماغير نادي الرشف يوم فيه احبابي

ريم الفلا · مشاركةبواسطة **ريم الفلا** » 09-27-2001 03:01 AM

<DIV align=justify><FONT face= Tahoma fontsize=6 color=red face=

(21)

للناس مستقبل تمشي وتسعى له
إلا أنا عايش مستقبلي ماضي

يلعن أبوالهم والدخان وسعاله
واقداري الغصب واللي عشتها راضي

يا وحدتي ماسألتك ليه هالحاله
طفايتي ليه مليانه وأنا فاضي

(عبدالمجيد الزهراني)

مجدي · مشاركةبواسطة **مجدي** » 09-27-2001 01:55 PM

<DIV align=justify><FONT size=5 color=Purple face=
زهراني في الشعر صار داير بامثاله
سامع كلامك و عارف بس متغاضي

يشرب معسل من البحرين احلا له
و خلي طفايته من ضمن أغراضي

قام قال: بحرين اربع عرفت اجواله
هونت احسن سجاير على درب الهوى ماضي

ريم الفلا · مشاركةبواسطة **ريم الفلا** » 09-27-2001 03:22 PM

<DIV align=justify><FONT face= Tahoma fontsize=5 color=teal face=

(22)

قالوا علامك طحت في الحش والرش
قلت اسكتوا يااهل الملامات عنّـي

ساحتكم اصلا كلها حش في حش
لا تنقص بدوني ولا تزيد منّـي

وكم واحد في ساحة الشعر مغتش
ضاعت حياته بالأمل والتمني

يبغى (الغلاف) وبين الأوراق ينخش
ويقول خسروني وانا والله إنّـي

******

أحسن كذا خلوني احش واطش
ولا بطربقها عليكم وأغني

(علي السبعان)

ريم الفلا · مشاركةبواسطة **ريم الفلا** » 10-07-2001 11:49 PM

<DIV align=justify><FONT face= Tahoma fontsize=5 color=brown face=

(23)

خمس البنوك يطالبني
في (بوظبي) و(دبي) و(العين)

وابن الحلال اللي كفلْني
قاعد يسدد أربع سنين

كلما نسيت يذكرنّي
تالي الشهر مطلوب قسطين

سفرات (لندن) فلسني
وكثرة قروضي زادت الدين

مندوب هالبنك امتحنّي
واصبح (معاشي) بين قوسين

إذا استلمته طار منّي
واقول وين انته وانا وين

(علي السبعان)

مجدي · مشاركةبواسطة **مجدي** » 10-08-2001 07:33 PM

<DIV align=justify><FONT size=5 color=Purple face=
اتاري الهم راكبني
بدل (سبعان) نقول سبعين

و ريم الرشف تكتبني
بدال الحبر دمع العين

ريم الفلا · مشاركةبواسطة **ريم الفلا** » 10-08-2001 11:02 PM

<DIV align=justify><FONT face= Tahoma fontsize=5 color=black face=

(24)

ارفع يدي واقسم على خدمة الشعب
وحياة (لورا) الواقفة عن يميني

واني لاواصل سيرة الغش والكذب
اللي تعامل حسبها سابقيني

واحلل لشارون في (المقدس) النّـهب
والقتل والتنكيل واغض عيني

واوقف مع (اسرائيل) في لحظة الكرب
مادام (لوبيها) قدرْ يشتريني

والهي العرب في لعبة السلم والحرب
الين تخلص في السياسة سنيني

واصب ويلاتي على امّـة العُـرب
الين تلعن والديْ والديني

وافرض سياسة (واجه الصبر بالضرب)
وانا ولد بوش العجوز الرزيني

والعب على كيفي بكل الدول لعب
ما همني روسي ولا (طقم) صيني

وانحاز ضد الشرق واوالي الغرب
دام البسيطة تحت رحمة يديني

واللي براسه شي في البعد والقرب
يرد أو في البيت الأبيض يجيني

الشاعر جورج بوش (الولد)

(علي السبعان)

ريم الفلا · مشاركةبواسطة **ريم الفلا** » 10-18-2001 02:38 AM

<DIV align=justify><FONT face= Tahoma fontsize=5 color=green face=

(25)

يالله عسا الزين ما يمشى على القوة
أنا اشهد انه مشا بي درب الأتعاسي

ان جيت دفيان وقام وشب لي ضوّه
وان جيت بردان صب الما على راسي

مجدي · مشاركةبواسطة **مجدي** » 10-18-2001 08:43 PM

<DIV align=justify><FONT size=5 color=Purple face=
وان جيت شبعان قام صاببلنا القهوه
وان جيت تعبان قال لي نام بحواسي

وان جيت نعسان قال لي قوم يا فتوه
وان جيت مهموم قال خلك معي ناسي

ريم الفلا · مشاركةبواسطة **ريم الفلا** » 10-19-2001 12:37 AM

<DIV align=justify><FONT face= Tahoma fontsize=5 color=teal face=

(26)

في مهرجان (دبي) أحلى سياحه
ترفيه للزاير .. تسوّق فوايد

فيه اكثر الممكن في اصغر مساحه
علم ومعارف، فن (بزنس)، قصايد

يلقى به اللي جا يشاهدْه راحه
ما دام ماشي دوم في الـ (safe side)

واللي فهم حرّيته بالوقاحه
بكره بتنزل صورته بالجرايد

(علي السبعان)

أبيات خفيفة للفرفشة وبس

الموجودون الآن