يا حاملي الجرة

[reinafh]

يا حاملي الجرة عن الفوار
دربك طلوع والأرض شعلة نار
جسمك طري ومتقلي الحملي
قلبي تعب عنك بهالمشوار
يا ليت بيتي عا طريق العين
بتصير حملي هيني عا تنين
ومحتار فيها كيف الها عين
توقف عا راسك جرة الفخار
جرتك لو كان الها قلب
كانت على دربك بتقلب قلب
وانتي اذا مشيتي مشي عالدرب
لازم طريقك تنفلش زهور
خليل روكز
مع اطيب التمنيات
ريناف
reinafh

[مجدي]

<DIV align=justify><FONT size=5 color=black face=
لوما بخاف يلاقيكي ** النحل بنوارْ
كنت بروحي بخبيكي ** بتم الأزهارْ
***
جيتي بساعة ما جيتي ** امرتيني أمرْ
ولعتيني و نسيتي ** بجروحي الجمرْ
بتصُبي كل ما حكيتي ** بدناني الخمرْ
وكل ما ع الأرض مشيتي ** من الأرض بغارْ
***
متحف قلبي ع حسابك ** بابو مفتوحْ
وكل ما تكسر بغيابك** بيزيد جروحْ
تمرجلتي و صح حسابكْ ** بعذاب الروحْ
وعلقتي كل تيابك ** من عيني زرارْ
***
روحي رفي حواليها ** و طعميها قوتْ
حتى يشّبع عينيها ** و الجوع تفوتْ
الدنيي تفرَّجنا عليها ** و بكرا منموتْ
مش ممكن يرجع ليها ** تاني مشوارْ

موشح للمرحوم / خليل روكز

[رائد أنيس الجشي]

<font face=Traditional Arabic font size=5 color= blue>

هيذا الروكز سحره مملي بالأشعار
وريناف ومجدي بدهن يرمون ابنار
نار من الإبداع الحلو ابعطر ازهار
مشكورين وليكم شكري ابكل انهار

[reinafh]

مرحبا
اشكرك اخي الفاضل مجدي على الموال الجميل الذي اخترته
وسعيدة بعودتك وبزيارتك

اخي الفاضل رائد
شكرا لك
ان كلامك جميل ويسعدني
اشكر لك زيارتك وارجو ان تعجبك الشروقية التي اخترتها
مع اطيب التمنيات
ريناف
reinafh

[reinafh]

شروقية

يللي هديتك قلب حب ووفا مليان
وغنيت فيكي بكر شعري والهامي
يا ما وياما نظمت بمحاسنك قصدان
وما كان وادي الوفا يردد صدى هيامي
ضيعت عمري كرامة حسنك الفتان
يا غبن عمري وعا شو ضيعت ايامي
لا قيس مثلي ولا ابن العنيسي كان
ولا كان حر الجمر لولا من غرامي
يعقوب تاني صرت بالنوح والأحزان
واضعاف زادت على ايوب آلامي
ومع كل هيدا بعذابي قابل وقنعان
وبقول بلكي خطر لك طيف قدامي
رفرف جناحو الغنا وطيفك بعد ما بان
ويا عين حاجي سهر عيفي البكي ونامي
الجو لو في نقا كان غير العدان
وكشح غيوم الشقا من جو اوهامي
يا وعد مات الأمل بالعاشق الولهان
ونفذ مرامو الجفا بقتلي واعدامي
ما زال قلبك شلحني بعالم النسيان
خايف يشيب الصبا وتموت احلامي
خليل روكز
مع أطيب التمنيات
ريناف
reinafh

[رائد أنيس الجشي]

<font face=Traditional Arabic font size=5 color= blue>

ياللي هديتك قلب حب ووفا مليان
وعشء اكبير ماله حد ابغرامي

لاشو بتهديني جفاوهجر وخذلان
وتأطعي ألبي وتحرمني سلامي

كنت ابهواك ابمووت للروح ولهان
وهلا بموت بحسرتي طوول أيامي


شكرا على الإختيار ريناف
ومرحبا بك مرة أخرى

[مجدي]

<DIV align=justify><FONT size=4 color=black face=
من شوق روحي إلك يا بو العيون السود
كلفت عني الهوى يا خدلك رسالي

وبلش يروح الهوى عاديرتك و يعود
مصفّر لونو مِتل تشرين آمالي

يرجع بخيبه و اسف مدري الدرب مسدود
مدري بوجهو خبر عن حكيكن خالي

هاجرت حي الهنا قلبي عَاشو مسنود
و عرفت غيرك حدا ما عاد يحلالي

رح ضل طول العمر عامحبتك محسود
ومقتول عمري معك وبقول نِـيّالي

بعدو حنيني إلك مثل القشر ع العود
و بهديك نومي الغميق وبسهر ليالي

كرمال قلبي المعك يا اسمراني عود
بغياب خيط التلاقي تخ مغزالي

من ميل عا غيبتك ببكي أمل مفقود
و بقول راح الحبيب الأسمر الغالي

ومن ميل تاني معي عمبقشعك موجود
طيفك بعيني وإنتْ سهران في بالي

المرحوم خليل روكز / من كتاب روائع الزجل / إعداد أمين القاري

<DIV align=justify><FONT size=4 color=Purple face=
الأخت الفاضلة ريناف
لدي سؤال فضلاً لا أمراً عن معنى كلمة (( تخ )) في البيت الذي يقول (بغياب خيط التلاقي تخ مغزالي)

[reinafh]

رائد الرشف
ما شاء الله ما هذه المواهب الجميلة واين كانت مخبأة فانت تنظم
الشعر بكل انواعه
انا سعيدة بمتابعتك وبقراءة ما يكتبه قلمك
مع اطيب التمنيات
ريناف
reinafh

[reinafh]

اخي الفاضل مجدي
شكرا لك لتواصلك ولاهتمامك بالزجل اللبناني
اعتقد ان القصد من كلمة تخ انه قد صار عتيقاوباليا من قلة
الاستعمال
انشالله يكون تفسيري مظبوط
مع اطيب التمنيات
ريناف
reinafh

[reinafh]

مساءالخير
اتمنى ان تعجبكم هذه القصيدة

بصرتك بنومي قال عن توعي
من سريرك المشدود بضلوعي
وعمتزحطي رح توقعي عنو
غمرتك بلهفي تا خدر كوعي
وخاف كوعي تفلتي منو
استنجد بقوة مارد ولوعي
ووعيت ومنامي فشل ظنو
مش غامرك غامر وهم جوعي
من الجوع صار عواطفي يغنو
ما اطولك يا ليل عا رجوعي
ناطر صباحي يبتسم سنو
وشقف بها لبقوة ل تركها الليل
وابكي وخيالك يشرب دموعي
وضليت اسهر مع ضنا حالي
واشرد تا شيل الحلم من بالي
وطل الصباح وصار بدو يغيب
وضل طيفك واقف قبالي
ما في أحلا من التعذيب
تمنيت حالي كون بخيالي
تاغل بخيالك ومنو جيب
زواده جنوني وآمالي
لا ما بدي من جنوني طيب
جنون الهوى خلقان كرمالي
خايف على طفل الجنون يشيب
ومع مين بدي اسهر ليالي
يا ريتني مخبي ب جنوني ديب
ويفلت ويكمش طيفك الغالي
حتى بعيوني قطبوا تقطيب
من ميل كنت بلف خيطان الشوق
ومن ميل كان ارتاح مغزالي
لا لا أنا بتعب إذا برتاح
وبغفى إذا خيالك سكن عيني
يا رب خليني بدون جناح
وحرنق عيوني بطيفها المجنون
وزيد التباعد بينها وبيني
خليل روكز
مع أطبيب التمنيات
reinafh