سبحان الله
سبحان الله اللي خلقنا
وحطنا في ها الكون
وملك الإنسان
حتى يحكم فيه وسلحوا
بالعقل والإيمان
وبالخير والإحسان
كمل خلقتو
وخير الإنسان بايدو
ينقي نارو أو جنتو
وجعل الطبع مراية
النفس والإيمان
وعملوا جنينتو
ورشرش بذور الخير بدنيتو
وزين الروض بزهرات
حلوة ملونة ومشكلة
ولما شاف الشيطان
هال حلا ال غيظ
حملوا وما قعدوا
وقال مش رح خلي الرب
يفرح بالانام وقرر
انو يقلد جبلتو
وبالفعل حقق رغبتو
ورشرش فوق جنينة الرب
أزهار مزوزقة بتشبه زهرتو
بس الفرق انو
بالشر كمل جبلتو
شاف الرب الشر وعملتو
وما هان عليه يخدع الإنسان
بزهرة بتشبه زهرتو
ورشرش فوق زهراتوالنور
وعطرها بعطر محبتو
وثبت شلوشا بالأرض
وبالشوك زنر وردتو
الخير
بالناس قول والتزام
والشر
الأذى فيه من أول طلعتو
ملون بألوان
سرعان ما بتزول
وبتظهر علتو
أما الخير
ولو كان الشوك محاوط جنتو
جذعوا قوي
والشمس بتحفظ رهجتو
مع أطيب التمنيات
ريناف
reinafh
سبحان الله
المشرف: مجدي
العودة إلى “المقالات والشعر العامِّي”
الموجودون الآن
المستخدمون الذين يتصفحون المنتدى الآن: لا يوجد أعضاء مسجلين متصلين و 25 زائراً