من ذاك الزمن

[prides_revenge]

من ذاك الزمن ... لليوم
كم صار لي صاحي ؟؟
خذني .. بـ أرتمي .. يانوم
طفّيت مصباحي
ما عاد أقدر ... ما عاد أقدر
بـ أرقد تحت هذا اللحاف
بـ أروح ... أبختفي بـ أظهر
بـ أنسى مشاوير الجفاف
من الأخضر إلى الأصفر
مهموم ... مهزوم
من ذاك الزمن ... لليوم
وأنا أخسر ... وأنا أخسر
بعد ما نام له كم عام
صحى في داخله عاشق
وما كانت سوى لحظات
صار الكل في الكل ..!
بدأ يسترجع أشعاره
تذكر كل مشواره
ملاه الغل
انتفض ... هز الجسد ... والجسد في سبات
لا تبات ... لا تبات
ينتظرنا قلب ينبض أمنياته .. ويتنفس ذكرياته
رد الجسد :_في ذل_ رح له وأنا بـ أبقى
قل له : رحل
أو قل : لا تنتظر في هالزمن
لا خل ... لا غول ... لا عنقا
أنتفض ... هز الجسد ... والجسد لا حياه
كيف يستسلم ويعلن إنهزامه ؟
إرتطامه بالنهايه كان مربك
كان موغل في ألم من زود سرعه إندفاعه
أخطى طريقه للشعور
وفي منامه
تبدى مراسيم إنقسامه
عن وجوده ... عن شعوره ... عن حطامه
يا نوم :
من يوم ما شحّت أفراحي
عرفت أكثر
كبرت أكبر من جراحي
ليه أفرح ..؟
وليه أحزن ..؟
وليه أكتب ..؟
وليه أقرا ..؟
وليه أسهر ..؟
لقيتك داخل اقداري
كتبتك : أكبر أدواري
قريتك : موتي الأكبر