مساء الخير
من صومعة شاعر ترك قصر الوجود
ودشر مفاتيح الغوى لصحابها
وعصب صبايا الجهل بمناديل سود
والبهورة بالفعل سكر بابها
وبغاية غرور النفس خلا الأسود
تنحني لنعجة حقيقة رقابها
هيدا انا بلشت احلم بالوجود
وروح القناعة لبستني تيابها
نامي يا نفسي تومة الطفل الزغير
وفي زاوية من الصبر خبي العنفوان
واغفى بليل الفقر يا اسمي الكبير
وعبي جرارك من دموعي يازمان
وضلك عطيني شوك ولغيري حرير
وخليك عني مغمض عيون الحنان
لا بد كت يعتز هالعبد الفقير
وعا عتم عمرو ينفلش نور الأمان
حاجي بقا يا سراج افراحي تنوس
ولا تخاف من ثورة جنون العاصفي
ما زال زيتك من بحر كبر النفوس
لو فحمت شمامتك ما بتنطفي
ويا وجه حظي قد ما بدك عبوس
وبسمتك مهما تغيب وتختفي
بكرا بتجي عا مبسمك بسمة عروس
وبتعود بتغمرني بصدق العاطفي
ضلي معي يا قوة العقل السليم
وعني ارحلي يا زهوة الطيش بسلام
ويا كبريا ويا لفظة الجاه العظيم
انتو حسب عقلي متل باقي الكلام
شلحت بدلة اطلس الجهل الفخيم
وحملت مسبحة الأبانا والسلام
ومطرح ما كان ينام جدي من زمان
عا جلد غنمة من القناعة راجع نام
خليل روكز
مع اطيب التمنيات
ريناف
القناعة
المشرف: مجدي
العودة إلى “المقالات والشعر العامِّي”
الموجودون الآن
المستخدمون الذين يتصفحون المنتدى الآن: لا يوجد أعضاء مسجلين متصلين و 18 زائراً