نادي رشف المعاني الأدبي

تبي تنسى مثل ما أنا أبي انسى

أنا ادري موعدي ساكن بحشاي

وريش الطير فيه الماي

ووجهك موغريب مول

يلالي مثل هالزهراء

يلالي بس غريب شوي


تحملنى الحطب كله


وتامرني لجل امشي

تروي

يا غناتي شوي

ولا تغضب

وذكرني

بوجهك

فجر في ساعه الغبشه

*

خطاك الشر

يابدر هالليل

اشوفك ريح ولهانه

واضمك ساعه الحضنه

اتعجب

لذيك المي

ولو بشوي

تطل مره جدامي

مكانك ساكن بالروح

وكانت حضره صيد في قليبي

فصول و البوراي شي

وكان النخل ديرتكم

مغاريب النقى و الحي

*
دقلي

شقد يضيج الوقت

وانت مو وياي

اريد اسابق الخطوه

وطوي من الليالي خطاي

وردت اركب فرس ابيض

يقحم خاتمي و مثواي

ولو بيدي لثمت الايد

واصب من مرسمي شوقي

عبير اخضر

لو تشابه من الخلايق زي

انا ادري

تمر يمي

وكانت تستحي هزي

تكندس هامتك للقاع

تلوت الخد صوب الفي

*

هواده

من متى اللقياء

عجب تسأل متى شفتك

وتسألني واسألها

عيون ملاح ( ملحا)

ولفحه هالتوازي الحي


عقم صارت اراضينا

وصوفر من العطش

والكي

سواده وقفت بظلي

تهز الريح سعفاتك

وتعطش من سقاها الري

*
هواده

بس خلينى

اطوي فراش صفحتنا

وتطوي

مثل طي الفصول تنطي

ابقعد مول جدامك

اتلمس بالاصابع طين

يحاكيك الوجد عنى

و حيره تغمرة عيونك

وديرتنا ثمرها لين

تحنى ملح تربتها

وملح الارض بهاك الطين

يطيب من البحر سيفه

وغوص قبل هالخوره

ويزيد الملح في عينى

اخضبها مع رجعت المايه

مثل زرقاء السماء نوره

واملحها بسبب فرقاك

تضيع عيون

تاهت في الشمس صوره

اكحلها

وتضل تشرب

دموع الروح من خوره


قطف روحي لخمة ملحا

وخوفع لزق في اليفره

قطف قلبي هوى الديره

هوى

يمسي بوادي الفجر

شمس تضوي

تبارك ربي من سواج في سوره