اليوم من الايام ما عاد ينعد
مرسل: 09-16-2002 10:03 PM
مساء الخير
خاطرة كنت قد عرضتها ثم اكتشفت بعد ان لاحظت وجود نسختين منها في
الوورد وبعد ان راجعت الخاطرة المعروضة اكتشفت انني قد
عرضت المسودة
ارجو ان تعذروا تقصيري وان تسامحوني
وان تقبلوا قراءة خاطرتي في ثوبها النهائي
شكرا لكم
اليوم من الأيام ما عاد ينعد
والعمر ماشي
ايام مثل اللي سبقتها بتنعاد
صعبة نرجع بالحياة ليوم كنا ولاد صغار
او ليوم كانت فيه الأحلام تنعد
او ليوم من الإيام اللي كان لنا فيها وعد بامجاد
وعا كل حال العمر ماشي
وما حدا بحالتو راضي
واذا جينا تنسأل عن كومة كراسي
يمكن عليها قعد
انسان على الماشي
بس حبها ومن فكرة هجرها ارتعد
وصار يحسب حساب الرجعة والغفلي
ولأجلها باع الضمير وهجر الرب
وصار عن كل شي حوله غافي
وصار يخبط خبط عشواء
ما هم اذا الضربة صابت اوخابت
والناس ملتهية بحالهاغفلاني
لانها مشغولي بتامين لقمة ولاد
اجو عالدني
وما الهم ذنب
ولا عارفين بقصة الكراسي
ونسي انو الناس ما بتنقاس
بميزان عشوائي
وماهي بضاعة للبيع والشرا
ولا بد ما بيوم تفيق
ولا هي دمى بتتحرك عالطلب
ولا هي عقول مبلدة ولا هي لعب
الناس عقول ونفوس و عيوب مختلفة
ومع كل هيك هني مش عايشين على الماشي
وحتى لو كانوا راكضين ورا مشاغل
وورا مشاكل عملتها الكراسي
لغايات في نفس انانيين
جربو يخلوا النفوس سودا
وسكروا بواب الأمل
ولو صارت العيون عن الغلط مغمضة
وكل واحد بيقول يا رب استر
لا بد يجي يوم وتتغير الأحوال
وسبحان اللي راضي الكل
وبقدرتو يغير اللي ما بيتغير وماشي الحال
وبماانو كل واحد راكض تيحقق الغاية ويرفع الرايات
بالنهاية لا بد ما تتحقق الآمال
والحق يرفع رايتو عالي
ولو كان الطريق طويل ومعقد
بيكون احيان سهل ومعبد
وفي ناس عالطريق بتوقع بس بترجع تقوم
وفي ناس طريقها سهل ومزيني بزهور
وغناني
و في ناس بتموت وذكرها فاني
وعا كل حال ما حدا بحالتو راضي
والكراسي بعدها بتدور من واحد للثاني
وما حدا عليها ثبت
والحق يعلو وشمسو دايما ضاويي
وما طار طير وارتفع الا كما طار وقع
اعذروني اذا كنت زدتها وما عرفت اوصل للغاية
مع اطيب التمنيات
ريناف
خاطرة كنت قد عرضتها ثم اكتشفت بعد ان لاحظت وجود نسختين منها في
الوورد وبعد ان راجعت الخاطرة المعروضة اكتشفت انني قد
عرضت المسودة
ارجو ان تعذروا تقصيري وان تسامحوني
وان تقبلوا قراءة خاطرتي في ثوبها النهائي
شكرا لكم
اليوم من الأيام ما عاد ينعد
والعمر ماشي
ايام مثل اللي سبقتها بتنعاد
صعبة نرجع بالحياة ليوم كنا ولاد صغار
او ليوم كانت فيه الأحلام تنعد
او ليوم من الإيام اللي كان لنا فيها وعد بامجاد
وعا كل حال العمر ماشي
وما حدا بحالتو راضي
واذا جينا تنسأل عن كومة كراسي
يمكن عليها قعد
انسان على الماشي
بس حبها ومن فكرة هجرها ارتعد
وصار يحسب حساب الرجعة والغفلي
ولأجلها باع الضمير وهجر الرب
وصار عن كل شي حوله غافي
وصار يخبط خبط عشواء
ما هم اذا الضربة صابت اوخابت
والناس ملتهية بحالهاغفلاني
لانها مشغولي بتامين لقمة ولاد
اجو عالدني
وما الهم ذنب
ولا عارفين بقصة الكراسي
ونسي انو الناس ما بتنقاس
بميزان عشوائي
وماهي بضاعة للبيع والشرا
ولا بد ما بيوم تفيق
ولا هي دمى بتتحرك عالطلب
ولا هي عقول مبلدة ولا هي لعب
الناس عقول ونفوس و عيوب مختلفة
ومع كل هيك هني مش عايشين على الماشي
وحتى لو كانوا راكضين ورا مشاغل
وورا مشاكل عملتها الكراسي
لغايات في نفس انانيين
جربو يخلوا النفوس سودا
وسكروا بواب الأمل
ولو صارت العيون عن الغلط مغمضة
وكل واحد بيقول يا رب استر
لا بد يجي يوم وتتغير الأحوال
وسبحان اللي راضي الكل
وبقدرتو يغير اللي ما بيتغير وماشي الحال
وبماانو كل واحد راكض تيحقق الغاية ويرفع الرايات
بالنهاية لا بد ما تتحقق الآمال
والحق يرفع رايتو عالي
ولو كان الطريق طويل ومعقد
بيكون احيان سهل ومعبد
وفي ناس عالطريق بتوقع بس بترجع تقوم
وفي ناس طريقها سهل ومزيني بزهور
وغناني
و في ناس بتموت وذكرها فاني
وعا كل حال ما حدا بحالتو راضي
والكراسي بعدها بتدور من واحد للثاني
وما حدا عليها ثبت
والحق يعلو وشمسو دايما ضاويي
وما طار طير وارتفع الا كما طار وقع
اعذروني اذا كنت زدتها وما عرفت اوصل للغاية
مع اطيب التمنيات
ريناف