نادي رشف المعاني الأدبي

مرسل: **09-01-2002 10:05 PM**

وانا جالس مر بعيوني خروف
في غرورٍ بس يهزهز كشته

قلت يامحلاه يا محلى الظروف
إللي جمعتني اببهاه او عزته

وياحلاة الصدر ورنات الردوف
والتمايل و كلِّ شي إب هيئته

جيت إله واسمع بخطواته سيوف
وانظر بعينه رعد في لمعته

وبسِّ قربته ....عينك لا تشوف
انكشف أمره وعرفت احقيقته

العقل أجوف وهذا الجسم صوف
وروحو سودا خايسة زي ريحته

مدري ليه اتذكرت بنتٍ هنوف
بالأمس في السوق تمشي مشيته

وسلامتكم

مرسل: **09-02-2002 03:24 AM**

<font size=4 color=navy>
طريييفة جداً هذه القصيدة اخي رائد ...
في البداية استغربت ....ايش معنى يعني هذا الخروف ...
وفي النهاية ابتسمت للتشبيه ...
أمتعتنا حقاً أخي رائد :)

تحياتي

مرسل: **09-02-2002 08:16 AM**

اضحك الله سنك ياخوي يانورووووس
انت الظاهر تشتغل في مسلخ :)

تحياتي للجميع

مرسل: **09-02-2002 02:05 PM**

<FONT SIZE=5 COLOR="#662266">
الخروف احسـن من الحسـنا الهيوف
ينفعـك لحمه وشحمه وفروتـه

البــلا لا شفـت كاملة الوصـوف
العطـا مايوم جابت سـيرته

بس تاخذ بالميات وبالألـوف
ولا تراعي للعشــير وعشـرته

البهـايم ماتشـابه بالصـنوف
والحـريم الصـنف واحد خلقـته

إسـأل اللي صارع اهوال الظـروف
وخاب ظـنـّه يوم خابت رجـوته

رائـد... إنت بتجيب لنا الكلام ... وراح ننضـــرب بســببك .. الله يسامحك

مرسل: **09-02-2002 09:46 PM**

<font size=5 color=green>
المها من عينها كل الوصوف
شبّهت فيها العيون بحلوته

والظبا ياخوك في جسمٍ نشوف
قامة الحلوه تشابه وقفته

مشية الحلوه إذا مابه كسوف
كنّها مثل الفرس في نقزته

والحلى من كتفها حتى العطوف
كان من ذيك الغزاله وصفته

من وصوف الزين ماتكفي الحروف
بالشعر فيها دواوين احـْـصته

جيت أدوّرْ وصف من هذا الخروف
مالقيت إلا الكـَـوَاره شيمته

ولووووووووووووووووووووووووول

مرسل: **09-04-2002 12:28 PM**

مرسل: **09-04-2002 01:14 PM**

آه واويلاه من بنتٍ هيوف
الخبث منها يعزز قوته

واحد بالناس وهي عندها غيوف
منه مستكلب وحوله عزوته

شامخة بالصدر تحجي امن الأنوف
تكسر اعيون اللذي ما طاقته

بس لو في مصلحة تلوي الظروف
بالتبجبج كم قاسي غلبته

ابيد تهدي الورد وبالأخرى حتوف
كم مملي بالنذالة مصته

وهو يناظرها ويعض يده آسوف
وش يفيد الحين و قلبه قتلته

قام يرقص جن بدقات الدفوف
ذي جزات اللي إلاهه شهوته

أمس يغازلها وحواليها يطوف
كان ودو يصيد و الاهبل ..صادته

مثل ذبانة تحوم اعلى خروف
حطت اب أسته ودقه ابذنبته

ما درى في (تاكسي الأجرة) ألوف
من صنوف الخلق قبله ركبته

مع محبتي
وعذرا على بعض الألفاظ

خيو شاكر (قتلتني من الضحك)
عمو دندن(ترقيع ما ينفع )
العزيز (الصمصام) تسلم على البسمة
ولكنك معنا في التهمة
بلشتونا وشكلنا راح ننشدخ

وتستمر الكوميديا (خرفاء)
محبتي

نادي رشف المعاني الأدبي

مر بي خروف

مر بي خروف