نادي رشف المعاني الأدبي

أمي سامحيني فلحظة غضب
ارتفع صوتي وادري انه وصل حدود دارين

وقبل ساعه كنت مثل الخشب
لا مسـّه غاز ولا اقترب على نارين

وفجاه ولسوء فهم على الخشب
انسكب غاز واقترب على النارين

وبيننا اشتعلت لهب
وكيف نطفيها ما احنا دارين

وصلت حتى صار الخشب حطب
يا ربي ايش نسوي وصار الحال حالين

سكتيني بدعاء على لسانك اقترب
وقتها ما ادري ايش صارلي وانااسمعك تدعين

تغير الحال واصبح للريح مهب
غير الجو وبللت دموعي العينين

واتمنيت لو كان الدعاء بس عتب
وانك لا تقطعيني ولا توصلي للشهرين

امي يا ريت الدعاء مو من القلب
وادري انك بتدعي على اللي يقول آمين

في لحظه جا الشيطان وسلب
مني احترامي ومنك خلا للغضب غضبين

بس ودي لو تسالي كل الصحب
ولدك يحبك ودوم بسيرتك ذاكرين

ما اريد يكون بيننا حدود ومطب
ومنك السماح والرضا شارين

صدقيني عاتبني القلم وكتب
امك مهما قالت صدرها وسع بحرين

ودي لو نغير للي فات الدرب
ولليوم الجديد احنا مهلين

واوعدك وعد ما ينقلب
ابعد عن الصد ووفيك الدين
واخر طلب

اريد بوسه على الخد من القلب
اجل كيف اعرف انك علي تسامحين ..........