أحزان السندباد في المغيب

[سحاب الوجد]

لا تغيب
دامك الحب ياحبيبي
وانت لي اول حبيب
دام شوقي في عيونك
صار موطن
وصار لك لهفه اسير

-----
لا تغيب
دام اشوف الشمس
في عيونك اماني
والقمر سمره حبايب
تضوي دروب السفين
----
لا تغيب
ونجمه عيونك تقول:
عيش ياحالم فظائي
لك مجرّاتي لخفوقك
ريح فرحه
ريح حنا
من عطر كوني
لحزنك وردحب
وازهارن وشيح.

--------

في بعادك,...
اسمع لصوتك واعاني
حيل لاجتني طواري
فيه من همس الغواني
وشوشه
عشق صافي
غير عادي
أسمعه:...
(سندبااادى.....
عيش في ملفى ملاذي
...في معاني الحب وبسمات السنين)
-------------

لا تغيب
دام اشوف الحب في عيونك دليل
ولا بدى كل شي في فكري
شبه زولك
شبه جنه في عيونك واصبح بعيني نضير!!
خذها مني:
من سحاب الوجد دعوه حب
تسألك بالله رب الكون
أ وصل لا تغيب
------
لا تغيب بالحب
دامك حلم احلام العزيز
لا تغيب بس تكفى لا تغيب
وش هي الدنيا بدونك
وش اسوي بالمغيب؟؟!!
---
وش اسوّي وأيش اساوي
لابدى عشقي بدونك
مثل احزان المواني
مثل ملواح ألايادي
تشكي الهجر وتنادي
للمساافر ..
والدمّع يبكي نزف الحب
والفرقى في عرق الوريد
----
لا تغيب,
أنت روحي
طير شادي
نهر خالد
أرشف الحب من عطائه
شبه نهر ألنيل في ريق الفقير

في العطى,
لا يا حبيبي لا تغيب
شوفتك تسعد افراح الحبيب.

-----
لا تغيب,
هاجسي اصبح غريب
وصرت في عالم غريب
بس تكفى لا تغيب
دامك الحب ياحبيبي
لا تغيب
روحي من دونك تغيب