قصة رحيلي ..... لازم تقرؤوها !! ورأيكم بصراحة مع بيان الأخطا

[الملهم]

<font size="5" color="blue" align="centre">

قصة رحيلي

هي كم ليلة .. وأرحل ..أنا ومجدافي .. نرحل ونبحر .. ونودع كل الأحباب .. اللي يحبوني واللي ما يحبوني .. وآخذ معي أغراضي .. اللي هي أشواقي .. أول غناتي ..صورة حبيبي .. وآخر آهاتي .. آخذها كلها .. وأضمها بصدري .. وأرحل ..

أرحل وأترك كل هلي وربعي وحبي .. ومعي كل همي وحزني بكل دربي .. وأترك سرب الأفراح .. وانضم لسرب الأحزان .. وأبقى ذكرى في ماضي الزمان .. وأنتشل نفسي من بين الأحضان .. وأنتقل من الفعل المضارع لفعل الماضي والنسيان .. وأرحل ..

أرحل .. مثل الريح .. وأترك وراي .. حطام سفينتي .. ليحتار الزمان .. ويسأل عن مجدافي .. ياللي معي .. يشهد مصيري .. وينور طريقي .. ويكون لحبي سفيري .. ويمسح ادموعي .. في شروقي وغروبي .. ويصمد مجدافي .. ونرحل ..

أرحل ولا أسأل متى وقت الرجوع .. مع إني أقاسي عطش المحبة والجوع .. وأخاف الزمن ما يطوع .. وبدأت الظلمة لي تروع .. وخاف الزمن من الرجوع .. وتفجرت المحبة من الينبوع .. تسألني متى وقت الرجوع .. وأصمت أنا .. وآخذ مجدافي وأرحل ..

أرحل ومعي ذكريات من الماضي .. وأنا بكل أسف عن حالي راضي .. وفؤادي من الحب فاضي .. وأنا أسليه وأراضي .. وأترك وراي من المحبة بساتين وحقول وأراضي .. ويبقى معي منها شذى ورودها وعبير عطرها وبعض ثمارها .. وأسبق الزمن وأرحل..

أرحل رغم كل الآلام .. والحنين للفعل الماضي .. وأبقى محتار من الفعل المضارع .. ويصير اسمي المبتدأ .. ويختلط الخبر بالغموض .. متى وقت الرجوع .. وأنا أرفض الوقوف .. رغم الحيرة والظروف .. وأطفئ الحروف .. وآخذ مجدافي وأرحل .. أرحل ..