نشرت في المختلف عدد شهر 12 2006
علها تحوز على اعجابكم ..
.
.
.
عزاه يا وقت(ن) مضى عله يعود=يومه (ربيع ) ووقت (عطله) و (كشتات)
يوم اللقا ما فيه عيب(ن) ومنقود=فيه الهوا طاهر ونابع من الذات
نقعد ودوتنا بها الضو موقود=وريح الحطب ينثر على الجو نفحات
وخلي يحاكيني وأحاكيه بحدود=نحكي كلام العين للعين بـ سكات
نشرح هموم البعد.. ونجدد عهود=ونرسل شكاوي الحب بـقصيد وأبيات
ويقول: وين فلان؟! وآقول: موجود!=وكنه يقول : الحب ؟!.. وأقول : ما مات !
وهاذي عجوز(ن) فاهمه حروف وردود=تكشف (كلام الحب) لو صار نظرات
ويقطف من العيدان عود(ن) ورا عود=ويكتب على القاعه ( أحبك يا ونات )
وأخاف يفهم ما كتب جدي العود=وأخاف حساد الهوا حقد ووشاة
متعود يطرش مع حمود وسعود=رساله .. وكندر .. وشاني .. وكتكات
وآنا أطرشله من ( عيوني السود )=أجمل معاني الشوق والبعد خطوات
واليا أقبلت ديمة بها بروق ورعود=رديت للديرة معي ( جيش عبرات )
وأبكي .. زمان(ن) فات .. يا عله يعود؟!=يومه (ربيع ) ووقت (عطله) و (كشتات)
.
.
تحاياي العطرة
