هــــواهـــا تـغــــيـّر

[الصمصام]

هـــواهـــا تـغــــيّـر

الله على دنيا هـواهـــا تغـيّرْ
..............مـن بعــد هــبّ السـعـد هـبّت كئيبه

والله على عينٍ تقاسي و تســـهر
..............تبكي رفاق الأمس صـحـبه نجــيبه

خـلاّن ما يغيبون في الموت الأحمر
.............خوة ، شهامة ، صدق وْ نخوة وْ طيبة

من عـقب فرقاهم زمـــــاني تكدّر
.............واضحت تمر ساعات عمري عصيبة

واصبحت مثل اللي طريحٍ مكســــّر
.............والقوم راحوا به جروحه عــــطيبه

صاير رفيق الدرب للهرج مظهر
.............يا حسرتي وشلون دنيا عــجــــــــيبه

ونا خويٍّ له إذا ما تعسّر
............يامــــــا شربت المر ويشرب عـذيبه

ان كان خــلّي اليوم فـيّ تشـــطّر
............وش عاد بعد اليوم آنا ارتجــــي به

ولا لزمه الحق قام وتنكّـــــــر
.............مــايل عن الجادة ويرقى صــعــــيبه

ياحيف حين يقول باللوم تخســـر
...........ويدق سلف المور تسمع صــخــــــيبه

هذا ونا ويّاه في وســـــط بندر
...........يا كيف لو كنّا في صحرا مهـــــــــيبه

ببعد لجل يبقى ترى البعد أخـــير
............والكل في دنياه يلقى نصــــــيبه

ون مــــــالت الأيام خطوه تعثّر
............بوقــــــف معـــــه وآتيه،آتي بطبيبه

عسى سعده يكون في كلّ معــــبر
............وعسى مزون الخير بأرضه صـــــبيبه

[وضّاح]

يا زين بنيك في بيوتٍ تعبّرْ
عن الزمان اللي يفرق غصيبة

واللي جراك في زمانك مقدرْ
ما يقدر المعبود يرجع نصيبة

كمّ واحد في نون عيني تعطّرْ
واليوم مدري وين قفّى مغيبة

والقلب يشكي والضماير تحسّرْ
والعين تمطر من سحاب المصيبة

[رائد أنيس الجشي]

يا صاحبي الرب بالعبد أخبر
وهذا اختباره لحتمال المصيبه

واللي على الدنيا تغلى وتكبر
وخان الأخو ربك بغدره يصيبة

واعجبتني بالقول يا حلو مخبر
انك تحبه لو يحرقك لهيبه

تدعي اله بالخير أشبهت (عنتر)
وقت المنية عزوته تتلجي به

والشكر يا صمام يحلى ويكبر
بس يوصل الكفك ويهلي حبيبه

والشكر للوضاح مثل النجم لزهر
من نوره المشرق ينور وجيبه
دمتم

[الصمصام]

يامرحبا بللي على الشعر قد مر
...........................وضّاح وضح النقا أنا التجي به

ولرايد الأشــــعار قولي يـعـبـّر
.........................ملكت قلبي اليوم باصلك وطيبه

=======================
أخي وضاح
شكرا على تعالقك وما أجمل قولك

كمّ واحد في نون عيني تعطّرْ
واليوم مدري وين قفّى مغيبة

لك مني كل الحب والتقدير
===============

أخي رائد
لك الشكر موصولا بالثناء
يالك من بارع في استلاب القلوب حتى الذي لا يعرف الحب تغصبه على حبك
بطيبك وحسن أخلاقك وكرمك الدائم
دمت أيها الحبيب