مقتطفات لشاعر العامية .... بيرم التونسى

نور الهوى · مشاركةبواسطة **نور الهوى** » 03-09-2002 01:54 PM

<font size=4 font color=navy>

بيرم التونسى ... شاعر مصرى .. اشتهر بكتاباته الساخرة والحزينةوالتى عبر بها عن واقعه وواقع بلاده ... وكان بيرم لا يكتب إلا بالعامية المصرية وغنى قصائده العديد من كبار المطربين ومنهم أم كلثوم وعبد الوهاب والعديدين
وأنا اهدى هذه المقتطفات لأستاذى العزيز مجدى ... لعلمى شدة اعجابه بهذا الشاعر

الفـــــن

الفن يا أهل الطبيعة ... روح تخاطب روح بلغاها
والفن ياأهل المحبة ... عين تكلم عين بنباهـــة
والفن يا أهل القلوب ... صوت من سكون الموت أحياها
يا طالب الفن أفتح لك ... كتب فى الفن واقراها

يا طالب الفن ...
شوف النجوم فى السما متوهجة على فين
واتعلم وشوف بكا العين
وضحل الفن فى الاتنين واتكلم

ورد الخــــدود
فن ... فيه الفن يتيغير

طول القدود
فن ... فيه العين تتحير
وكل شىء فى الحياة متسير
يا طالب الفن

نور

نور الهوى · مشاركةبواسطة **نور الهوى** » 03-09-2002 02:04 PM

<font size=4 font color=navy>

شعر : بيرم التونسى
غناء : أم كلثوم

قوللى ولا تخبيش يا زين
أيش تقول العين للعين

لما العين تشوف حبيب
تقوله ولا تخشاش رقيب

بعيد وصالك ولا قريب
ويوم الوعد بشوفك فين

هدا والله كلام العين
والله كلام العين للعين

واللى يوافى للمحبوب
بيوم الوعد علهش ذنوب

يوافى الوعد ولا ينساه
اذا كان فيها شفاه ودواه

وياما ذنوب يغفرها الله
وربك والله رب قلوب

هاذا هو القول المطلوب
والله هو القول المطلوب

قولى ولا تخشاش ملامة
حلال القبلة ولا حرام

القبلة ان كانت للملهوف
اللى على ورد الخد يطوف
ياخدها بدال الواحدة الوف
ولا يسمع من الناس كلام

قولى يا علم بالأشواق
الحب حلو ولا حراق

الحب حلاوته بالقنطار
يدوقوا منها كبار وصغار

حلاوة تطول بالاعمار
اذا ميكونش وراها فراق

نور

نور الهوى · مشاركةبواسطة **نور الهوى** » 03-09-2002 02:10 PM

<font size=4 font color=navy>

غناء : وردة
الحان : فريد الأطرش
شعر : بيرم التونسى

احبابنا يا عين ما هم معانا
رحنا وراحوا ... عنـــا
ما حد منا اتهنى
عين يا عينى
يا عينى احبابنا بالروح جاروا علينا
يا هل ترى فى بالهم ولا نسيونا
نفسى اشوفهم مرة
دى الفرقة صعبة ومرة

فى كل يوم يزيد شوقى إليهم
رح يا نسيم سلم عليهم.. سلم عليهم
نفسى اشوفهم مرة .. دى الفرقة صعبة ومرة
عينى يا عينى

نور

نور الهوى · مشاركةبواسطة **نور الهوى** » 03-09-2002 04:24 PM

<font size=4 font color=navy>

يا أرض مالك كرهتى كل سكانك
فى يوم زلازل ويوم يجرفنا طوفانك
ويوم عواصف ويوم يشتد بركانك
راح فين بهاكى وحلمك وفين حنانك؟؟
رحيمة فاضت لنا بالخير انهارك
جميلة متزوقة فى وشى ازهارك
طروبة تعزف لنا الانغام اطيارك
كريمة ما ينقطع نخلك ورمانك

نور

مجدي · مشاركةبواسطة **مجدي** » 03-09-2002 09:11 PM

<DIV align=justify><FONT size=4 color=blue face=
الأخت الفاضلة / نور الهوى
أشكر لكِ كريم اهدائك و حُسن عنايتك بفقيد الفصحى والعامية ( عمنا بيرم ) كما كانوا يدعونه محبوه
و استكمالاً لما تم اخياره له من روائع يسرني ان انقل التالي /

<DIV align=justify><FONT size=5 color=Purple face=
سيداتي
=======

ميت ألف راجل بما فيهم من الشنبات
ما يجوش في ضافر صباع واحده من الستات
مهوش عجب - كل يوم تتقلب البورصات
سعر النهارده الأراضي تنقلب سماوات

******

دخلو على البرلمان في خفة العصافير
بدون ليحيا و ليسقط و لا تجعير
و بدون فضايح و لا فوضى و لا تكسير
باتت لكل اللغات تتجاوب الاذاعات

******

( الناخبون ) شفتهم بالعُصي والنبابيت
ساحبهم (المحترم) عالقسم تصويت
و لجل يثبت وجودهم كسروا الحوانيت
ما خلوا دكان يبيع كشري و لا شربات

********

يا سيداتي اهجموا و اتقدموا على طول
خطوا كمان خطوه واحده تبلغوا المأمول
إيد المره في الزمان ده كل حاجه تطول
والخيبة راكبة الرجال،اللي اسمهم بهوات

********

يا ريت وزارات زمان كلها فساتين
و برلمانات زمننا تمتلي حلوين
لكان بدال البارود الورد و الياسمين
و لا كانش نص الخلايق يندفن في الصين
و نصهم ينجزر في معركة برلين
ايه اللي نابنا من الأقطاب والأساطين
غير الهموم و النكد و الحرب و الأزمات

بيرم التونسي

مناظر
======

على القهاوي يا ستاتنا ** عيوننا حدارجه
قاعدين عليكو نتفرج ** و احنا الفُرجه

شوفي اللي قاعد ومكشر ** عامل عاقل
و نظرته نظرة تحمَّر ** زي السائل

ودالي رجل على التانيه ** كده مِتـَّـنْـك
و لما يضحك للغانيه ** يبقى مشنك

و حلمي افندي بيتنهد ** و بيتمايل
و يطوي في رقبته و يفرد ** حِـبِّـيب هايل

ذنوبنا منكم و اليكم ** يلطف بينا
يا هلترا الحق عليكم ** و الا علينا

بيرم التونسي

الفن
=====

الفن في الشرق منه قلبنا ممغوص
من كتر ما بيجلب الأوخام و الأوجاع

أصبح هلاهيل لابسها مدعي بلبوص
على المسارح وعالشاشه وفي المذياع

من كل تيجان ملوك الفن فيها فصوص
اللي سرقها اشتهر واللي بدعها ضاع

على المسارح تروح تسمع كلام مرصوص
عن الحِكم و المواعظ .. صفقوا يا رعاع

والفيلم توليف معلم من حتت مقصوص
والربع رقصات و تنكيت التلات ارباع

أما النكت ، ماركة اشمعنى ، وفن البوص
تقول لها العربجيه والجعايده ، هاع ع

و في الاذاعه اللي يطربنا جدع مفعوص
ما اعرفش لو كان بيطرب و لاَّ بيقول ماع

مناصرة الفن مين منهم ما هوش مقروص
في العرض والمال والاخلاق و الأوضاع

لهم في جلب المكاسب "تكتيكات" مخصوص
عيب تتذكر في الجرايد والورق ما يساع

و مبدع الفن في وسط المناصره يلوص
و يسكنوه بالحيا ، تربه في سابع قاع

لو كنت يا فن مجعول لك قانون و نصوص
لكنت زي الكواكب في السما لمَّاع

بيرم التونسي

<DIV align=justify><FONT size=4 color=Purple face=
بقية أعمال بيرم التونسي في الرابط التالي لمن يتابع
http://www.rashf-alm3any.com/fr2/showthread.php3?threadid=2924

sun_of_ sa · مشاركةبواسطة **sun_of_ sa** » 03-13-2002 05:03 PM

الشكر الجزيل لك يا نور الهوى

كم كنت متطفلا لقراءة بعض
للشاعر الكبير رحمه الله عليه بيرم التونسي

وكما اوجه شكري للاخ الكريم مجدي لتفضلك بارفاق الوصله

شكرا لكماعلى جميل الاختيار

نور الهوى · مشاركةبواسطة **نور الهوى** » 03-14-2002 01:13 AM

<font size=4 font color=navy>

مرحبا بك بين اخوتك فى ناديك رشف المعانى
واشكر لك مرورك الكريم على ما اخترته وكلماتك الجميلة
وفى انتظار مشاركاتك وكلماتك
نور

مقتطفات لشاعر العامية .... بيرم التونسى

قوللى ولا تخبيش يا زين

احبابنا يا عين

الأرض

مرحبا بك اخى شمس

الموجودون الآن